ສະພາແຫ່ງຊາດປຶກສາຫາລື ກ່ຽວກັບການວາງແຜນຜັງ
ນະຄອນຫຼວງຮ່າໂນ້ຍ ໄລຍະ 2021- 2030
ວິທະຍຸກະຈາຍສຽງຫວຽດນາມ ລາຍງານໃຫ້ຮູ້ໃນວັນທີ 20 ມິຖຸນາ 2024 ຜ່ານມານີ້ວ່າ: ໂດຍສືບຕໍ່ກອງປະຊຸມສະໄໝສາມັນເທື່ອທີ 7,
ສະພາແຫ່ງຊາດຊຸດທີ XV, ຕອນເຊົ້າວັນທີ 20 ມິຖຸນາ 2024 ຜ່ານມາ, ສະພາແຫ່ງຊາດຫວຽດນາມ ໄດ້ປຶກສາຫາລືກ່ຽວກັບການ ວາງແຜນ
ຜັງນະຄອນຫຼວງຮ່າໂນ້ຍ ໄລຍະ 2021-2030, ວິໄສທັດຮອດປີ 2050; ຮ່າງປັບປຸງສັງລວມການວາງແຜນຜັງລວມ ນະຄອນຫຼວງຮ່າໂນ້ຍ ຮອດ
ປີ 2045, ວິໄສທັດຮອດປີ 2065, ຫຼັງຈາກນັ້ນ, ສະພາແຫ່ງຊາດ ຍັງໄດ້ປຶກສາຫາລືເປັນກຸ່ມ ກ່ຽວກັບຮ່າງກົດໝາຍສະບັບປັບປຸງ, ເພີ່ມເຕີມບາງ
ມາດຕາຂອງກົດໝາຍວ່າດ້ວຍທີ່ດິນ, ກົດໝາຍວ່າດ້ວຍເຮືອນຢູ່, ກົດໝາຍວ່າດ້ວຍການດຳເນີນທຸລະກິດອະສັງຫາລິມະຊັບ ແລະ ກົດໝາຍວ່າດ້ວຍ
ບັນດາອົງການຈັດຕັ້ງສິນເຊື່ອ.
ຕອນບ່າຍຂອງວັນດຽວກັນ, ສະພາແຫ່ງຊາດ ໄດ້ຈັດກອງປະຊຸມຄົບຄະນະຢູ່ຫໍປະຊຸມ ເພື່ອຮັບຟັງການອະທິບາຍໃບສະເໜີ ແລະ ບົດລາຍງານ
ຕີລາຄາຄຸນນະພາບຮ່າງກົດໝາຍການວາງແຜນຜັງຕົວເມືອງ ແລະ ການວາງແຜນຜັງຊົນນະບົດ; ການອະທິບາຍໃບສະເໜີ ແລະ ບົດລາຍງານຕີລາຄາ
ຄຸນນະພາບ ຮ່າງກົດໝາຍວ່າດ້ວຍທໍລະນີສາດ ແລະ ບໍ່ແຮ່.
ແຫຼ່ງທີ່ມາ: ໜັງສືພິມກອງທັບ
ວັນທີ 24/06/2024